ஏகாதசி விரதம்

Brahmarishis Hermitage Devatmananda Shamballa Rishis Siddhas Siddhar Sprituality Kalki Saptharishis Saptarishis
Divine Soul Guru Wisdom Positive Quotes

மனித உடல் உணவு, நீர், பிராண சக்தி மற்றும் அண்டவெளியிலிருந்து தனக்கு தேவையான ஆற்றலைப் பெறுகிறது. நம் அறியாமையினால் உணவு மற்றும் நீரை மட்டுமே ஆற்றலின் மூலமாகக் கருதி அண்டத்திலிருந்து வரும் நுண்ணிய ஆன்மிக ஆற்றல்களைக் கிரகித்துக்கொள்ளத் தவறுகிறோம்.

ஏகாதசி விரதம் உடலுக்கு ஓய்வு கொடுக்கவும், மனதை தூய்மைப்படுத்தவும் மற்றும் நம் முழு உடலின் உள் கட்டமைப்பைப் புனரமைக்கவும் கடைபிடிக்கப்படுகிறது. இது முழு உடல் இயக்கத்தையும் சீரமைப்பது போலாகும்.

— தேவாத்மானந்தா ஷம்பலா

ரிஷிகள் நமது மனதையும் உடலையும் தூய்மைப்படுத்தவும், நமது ஆன்மிக சாதனையில் விரைவாக முன்னேறவும் மற்றும் ஆத்மஞானத்தை அடையவும் இந்தப் பழமையான புண்ணிய விரதத்தை பரிந்துரைக்கின்றனர்.

— தேவாத்மானந்தா ஷம்பலா

ஏகாதசி போன்ற விசேஷமான நாட்களில் நாம் விரதம் இருப்பதால் இந்தத் தூய்மையான ஆற்றல்களைப் பெறுகிறோம். வயிறு காலியாக இருக்கும்போது பிராணாயாமம், தியானம் முதலிய ஆன்மிக பயிற்சிகளை மேற்கொள்வது மிகவும் பயனுள்ளதாக இருக்கும் என்பதும் உண்மை.

ஒவ்வொரு மாதம் பௌர்ணமி மற்றும் அமாவாசையிலிருந்து பதினோராவது நாள் ஏகாதசி ஆகும். இவ்வகையில் ஒரு மாததிற்கு ஏகாதசி திதி இருமுறை வருகிறது. மிகவும் விஷேசமான நாளான ஏகாதசி, விரதத்திற்கு உகந்த நாளாகும்.

மனித உடல் உணவு, நீர், பிராண சக்தி மற்றும் அண்டவெளியிலிருந்து தனக்கு தேவையான ஆற்றலைப் பெறுகிறது. நம் அறியாமையினால் உணவு மற்றும் நீரை மட்டுமே ஆற்றலின் மூலமாகக் கருதி அண்டத்திலிருந்து வரும் நுண்ணிய ஆன்மிக ஆற்றல்களைக் கிரகித்துக்கொள்ளத் தவறுகிறோம். ஏகாதசி போன்ற விசேஷமான நாட்களில் நாம் விரதம் இருப்பதால் இந்தத் தூய்மையான ஆற்றல்களைப் பெறுகிறோம். வயிறு காலியாக இருக்கும்போது பிராணாயாமம், தியானம் முதலிய ஆன்மிக பயிற்சிகளை மேற்கொள்வது மிகவும் பயனுள்ளதாக இருக்கும் என்பதும் உண்மை.

நோக்கம்

உடலில் உள்ள நச்சுகளை நீக்குதல், மனதை தூய்மைப்படுத்துதல் மற்றும் பஞ்சகோஷங்களை பலப்படுத்துதல்.

செயல்முறை

எட்டு முதல் எண்பது வயது வரையுள்ள எவர் வேண்டுமானாலும் இவ்விரதத்தை மேற்கொள்ளலாம். தானியங்கள், பருப்பு வகைகள், அசைவ உணவுகள், மாசடைந்த உணவுகள் முதலியவைகளை தவிர்த்தல் நலம். நீரும் பருகாமல் படிப்படியாக அன்றைய முழு நாளும் உண்ணாமல் இருக்கும் நிலையை அடைய முடியும். படிப்படியாக ஒருவர் எதுவும் உண்ணாமல், நீர் கூடப் பருகாமல் முழு உண்ணாவிரதத்தை கடைபிடிக்கும் நிலையை அடைய முடியும். அவரவர் விருப்பப்படி தன்னை வருத்திக்கொள்ளாமல் உண்ணாமல் இருக்க முயலலாம்.ஆயினும் உடல் நலம் குன்றியவர்கள், கர்பிணிப்பெண்கள் உண்ணாமல் ஏகாதசி விரதம் இருப்பதை தவிர்க்க வேண்டும்.

பயிற்சி குறிப்புகள்

ஏகாதசி நாளில் உண்ணாவிரதத்துடன் மௌன விரதத்தையும் மேற்கொள்ளுதல் நன்மை பயக்கும்.

ஏகாதசி உபவாசத்தின் பொழுது "ஓம்கார தியானத்தை" செய்யலாம். இது உடல் மற்றும் மனதின் ஆற்றலைப் பராமரிக்க உதவுகிறது. இது நாள் முழுவதும் இறைவனுடன் இணைந்திருக்க உதவுகிறது.