◘குணங்கள் அல்லது முக்குணங்கள் என்பது மாயையின் மூன்று தனித்துவமான கூறுகளாகும். அவை சத்வ, ரஜோ, மற்றும் தமோ குணங்களாகும்.

◘இம்மூன்று குணங்களும் அனைவரிடத்திலும், பிரபஞ்சத்தில் உள்ள அனைத்திலும் வெவ்வேறு விதத்தில் மற்றும் விகிதத்தில் சேர்ந்துள்ளன.

◘அடிப்படை நிறங்களான சிவப்பு, பச்சை மற்றும் நீலம் ஆகியவை வெவ்வேறு விகிதத்தில் சேரும்போது எவ்வாறு எண்ணற்றப் பல புதிய வண்ணங்கள் தோன்றுகிறதோ அதுபோல, வெவ்வேறு விகிதத்தில் இருக்கும் இந்த முக்குணங்களே பிரபஞ்ச படைப்புகள் ஒன்றோடொன்று வேறுபட்டிருப்பதற்கான காரணமாகும்.

◘சத்வ குணம் என்பது ஞானம், சமநிலை, நல்லிணக்கம், உள்ளத்தூய்மை, படைப்பாற்றல், நேர்மயமாக்கல், அமைதி, நல்லொழுக்கம் முதலிய தன்மைகள் ஆகும்.

◘ரஜோ குணம் என்பது பேரார்வம், செயல்திறன், தன்முனைப்பு முதலிய தன்மைகள் ஆகும்.

◘தமோ குணம் என்பது சமநிலையற்றத்தன்மை, ஒழுங்கின்மை, மனக்கவலை, மந்தநிலை, சோம்பல், வன்முறை, அறியாமை, காலம் தாழ்த்துதல், அலட்சியம் முதலிய தன்மைகள் ஆகும்.

◘ஒரு தனிநபரின் அல்லது பொருளின் குணாதிசயமானது இந்த முக்குணங்களும் ஒன்றிணைந்து ஏற்படுத்துகின்ற விளைவாகக் கருதப்படுகின்றது. எனவே குணங்கள் நாம் பழக்க வழக்கத்தினால் செய்யும் செயல்களுக்கும், அதையடுத்து விளைகின்ற வாழ்க்கை சூழல்களுக்கும் ஒரு முக்கிய காரணியாக உள்ளன.

◘இறையொளியானது மாயையினால் பாதிக்கப்படுவதில்லை, ஆதலால் அது நிர்குணம் (குணங்களற்ற நிலை) என அறியப்படுகிறது.

◘ஐக்கியத்தன்மை என்பது பிரபஞ்சத்தில் உள்ள அனைத்தும் ஒன்றுடன் ஒன்று இணைந்திருக்கும் தன்மையாகும். ஒரு ஆன்மா மற்றொரு ஆன்மாவோடும், ஒரு இதயம் மற்றொரு இதயத்தோடும் இணைந்திருப்பது ஐக்கியத்தன்மை ஆகும்.

◘ஐக்கியத்தன்மை என்பது பிரபஞ்சத்தின் பல்வேறு படைப்புகள் ஒன்றோடொன்று வேறுபட்டிருந்தாலும் அவை அனைத்திலும் பேரொளியை காண்பதாகும்.

◘ஐக்கியத்தன்மை என்பது உயிருள்ள ஜீவராசிகள் மற்றும் உயிரற்ற பொருட்கள் அனைத்தும் ஒரே மூலமான பேரொளியில் இருந்து தோன்றியவை என்பதை அறிந்துணர்வதாகும் .

◘ஐக்கியத்தன்மையில் நாம் மாயையைக் கடந்து செல்கிறோம்.

◘ஐக்கியத்தன்மை வேற்றுமையில் ஒற்றுமையை கொணர்கிறது.

◘ஐக்கியத்தன்மை என்பது உடல், மனம், புத்தி,உணர்வு மற்றும் ஆன்மிகம் ஆகிய அனைத்து நிலைகளில் நம் வாழ்வை ஆன்மிக சாதனைக்கேற்ப அமைத்துக் கொள்ளவதாகும். இந்த ஐக்கிய நிலை யோக நிலையை அடைய வழிவகுக்கும்.