உங்கள் கவனத்தை மெதுவாகக் கால் தசைகள், முழங்கால் மற்றும் தொடைகளை நோக்கிச் செலுத்தவும். ஒவ்வொரு பகுதியிலும் கவனம் செலுத்த போதுமான நேரத்தை எடுத்துக் கொள்ளவும். மெதுவாக உங்கள் கவனத்தை இடுப்பு பகுதியின் மீது செலுத்தி, பிறகு, இடுப்பிலிருந்து உடலின் கீழ் பகுதி முழுவதும் செலுத்தவும். உங்களுக்குத் தேவையான நேரத்தை எடுத்துக் கொண்டு இந்நிலையில் விழிப்போடு ஓய்வெடுக்கவும்.

உங்கள் கவனத்தைக் கீழ் இடைப்பகுதி மற்றும் இடுப்பு பகுதிக்கு மாற்றவும். பின்னர், அடி வயிறு, வயிறு மற்றும் மார்பு பகுதிகளில் கவனம் செலுத்தவும். உங்களுக்குத் தேவையான நேரத்தை எடுத்துக் கொண்டு விழிப்போடு ஓய்வெடுக்கவும்.

படிப்படியாக உங்கள் கவனத்தைத் தோள்கள், கைகள், மணிக்கட்டு, உள்ளங்கை மற்றும் விரல்களுக்கு மாற்றி, அவற்றை மெதுவாகத் தளர்த்துவதின் மூலம் அவற்றிலிருந்து அழுத்தத்தை (stress) விடுவிக்கவும். தொண்டை, கழுத்து மற்றும் முகத்தை நோக்கி உங்கள் கவனத்தைச் செலுத்தவும். பின்பு, தலைப் பகுதியை நோக்கி உங்கள் கவனத்தைச் செலுத்தவும். உங்களுக்குத் தேவையான நேரத்தை எடுத்துக் கொண்டு விழிப்போடு ஓய்வெடுக்கவும்.

உடல் முழுவதும் கவனம் செலுத்தி, ஆற்றலின் அதிர்வை உணரவும். இப்போது, உங்கள் உடல் முழுவதும் வெண்ணிறப் பேரொளியால் நிரம்பியிருப்பதாகக் கற்பனை செய்து கொள்ளவும் அல்லது காட்சிப்படுத்திக் கொள்ளவும். ஆற்றல்களோடு, உங்கள் உடலுக்கு உள்ளேயும், உடலைச் சுற்றிலும் இந்த வெண்ணிற ஒளியின் பிரகாசத்தையும் அனுபவித்துணரவும்.

உங்கள் உடல் முழுவதையும் தளர்த்தவும். நீங்கள் அனைத்து விதமான அழுத்தம் (stress), வலி மற்றும் நோயிலிருந்து விடுபட்டு, மிகவும் புத்துணர்ச்சியுடன் இருப்பதாக ஆழ்மனக் கட்டளை இடவும். அனைத்து சக்கரங்களும் தூய்மை செய்யப்பட்டு, முழு உடலமைப்பும் தூய்மையடைந்து, ஆற்றல் வாய்ந்ததாக மாறுவதாக ஆழ்மனக் கட்டளை இடவும். தொடர்ந்து ஆழ்மனக் கட்டளைகளை இட்டவாறே ஒரே சீராக இயங்கும் உங்கள் சுவாசத்தைக் கவனிக்கவும். நீங்கள் விரும்பும் வரை இந்நிலையில் ஓய்வெடுக்கவும்.

படிப்படியாக, இந்த நிலையிலிருந்து வெளியே வந்து உங்கள் கைகள், கால்கள் மற்றும் உடலை மெதுவாக அசைக்கவும். உங்கள் வலது பக்கம் திரும்பி எழுந்திருக்கவும்.

கண்களை மெதுவாகத் திறக்கவும்.