दिवा, हे तेल आणि वात ठेवण्यासाठी खास तयार केलेले पात्र आहे. पारंपारिक पद्धतीत, वैदिक काळापासून, ज्योत प्रज्वलित करण्यासाठी माती, पितळ किंवा चांदीचा दिवा वापरला जातो.

आपल्या देवघरात किंवा साधनेच्या ठिकाणी किंवा एखाद्या घरामधील शांत ठिकाणी, एक दिवा प्रज्वलित करावा. हा दिवा आपण आपल्या गुरूच्या इष्ट देवतेच्या चित्रासमोर किंवा आपल्या एखाद्या प्रेरणास्त्रोताच्या समोर, ज्याच्याशी आपल्याला अध्यात्मिक संलग्नता हवी असेल, अशा ठिकाणी ठेवावा.

दिवा प्रज्वलित केल्यावर आपण ज्यांची आराधना करणार आहोत त्यांचे धन्यवाद मानावेत आणि कृतज्ञता व्यक्त करुन, प्रार्थना करावी व काही काळ तिथे शांत बसावे.

थोड्याच वेळात, तुमच्या असे लक्षात येईल की, हे ठिकाण ऊर्जेने भारून गेले आहे, तसेच शांती व सौंदर्याने न्हावून गेले आहे, या ज्योतीमुळे आपल्या मधील चेतना, दैवी चेतनेशी जोडली गेल्याची जाणीव होते. अशा प्रकारे, तुम्ही तुमच्या जीवनात परमात्म्याला आमंत्रित करता व त्याच्याशी संवाद करू लागता.

दिव्यत्वाशी आपण जोडले गेलो आहोत, हा जोड मजबूत करण्यासाठी, आपण हा दिवा रात्रंदिवस तेवत ठेवू शकतो. यालाच अखंड ज्योती आराधना म्हणतात.