◘ നമ്മൾ അനശ്വരരായ ആത്മാക്കൾ ആണെന്നും, ദിവ്യപ്രകാശത്തിന്‍റെ ഒരു കണിക അഥവാ ഈശ്വരൻ തന്നെയാണെന്നും തിരിച്ചറിയുന്നതാണ് ആത്മസാക്ഷാത്കാരം. ആയതിനാൽ ആത്മസാക്ഷാത്കാരവും ഈശ്വര സാക്ഷാത്കാരവും ഒന്നുതന്നെയാകുന്നു.

◘ സാധനയുടെ പ്രഥമ ലക്ഷ്യവും, കൂടാതെ മനുഷ്യ ജീവിതത്തിന്‍റെ അന്തിമ ഉദ്ദേശ്യവും ആത്മസാക്ഷാത്കാരം ആണ്.

◘എല്ലാതരത്തിലുള്ള യോഗയും, സ്വയത്തിന്‍റെ അഥവാ ആത്മാവിന്‍റെ സാക്ഷാത്കാരത്തിലൂടെ ഈശ്വരസാക്ഷാത്കാരത്തിൽ പര്യവസാനിക്കുന്നു.

◘ ആത്മസാക്ഷാത്‍കാരം ലഭിച്ച ഒരു വ്യക്തി ഒരിക്കലും അസ്വസ്ഥനാകുന്നില്ല, മാത്രമല്ല, ഏതൊരു സാഹചര്യത്തിലും, ആ വ്യക്തി തന്‍റെ സമനില ഒരിക്കലും നഷ്ടപ്പെടുത്തുകയുമില്ല.

◘ ആത്മസാക്ഷാത്കാരം ലഭിച്ച ഒരു വ്യക്തി, ബോധപൂർവ്വമായ യാതൊരു ശ്രമവും നടത്താതെ തന്നെ, സ്നേഹവും സമാധാനവും പ്രസരിപ്പിക്കുന്നു. ആ വ്യക്തിയുടെ സാന്നിധ്യം, ദിവ്യമായ സ്പന്ദനങ്ങൾ, ചുറ്റുമുള്ള അന്തരീക്ഷത്തിലേയ്ക്കും, മറ്റുള്ളവരിലേയ്ക്കും സദാ വ്യാപിപ്പിക്കുന്നു.