◘ ആദ്ധ്യാത്മികത എന്നാൽ ജീവചൈതന്യത്തിന്‍റെ അഥവാ ആത്മാവിന്‍റെ ശാസ്ത്രമാണ്.

◘ആദ്ധ്യാത്മികത ധർമ്മം അനുശാസിക്കുന്നു.

◘ആദ്ധ്യാത്മികത പൂർണ്ണമായും ആശ്രയിക്കാവുന്ന ജ്ഞാനവും, കൂടാതെ, ധർമ്മം പിന്തുടരുന്നതിനുള്ള ശക്തിയും നൽകുന്നു.

◘ആദ്ധ്യാത്മികത എന്നാൽ ഒരു വ്യക്തിയുടെ ഇന്ദ്രിയാനുഭവങ്ങൾക്ക് അപ്പുറത്തേയ്ക്ക് ഉയരുകയും, അനന്തരം നമ്മുടെ സ്വയത്തെ അഥവാ ആത്മാവിനെ തിരിച്ചറിയുകയുമാണ്.

◘ആദ്ധ്യാത്മികത, ആത്മസാക്ഷാത്കാരത്തിലേയ്ക്കും അതിനപ്പുറത്തേയ്ക്കുമുള്ള മാർഗ്ഗത്തിന്‍റെ ഉചിതമായ മാർഗ്ഗരേഖ നമുക്ക് നൽകുന്നു.

◘നമ്മുടെ അന്തരാത്മാവിലേയ്ക്ക് അന്വേഷണാർത്ഥം സഞ്ചരിക്കുന്നതിനുവേണ്ടി യഥാർത്ഥമായി പരിശ്രമിക്കുകയാണ് ആദ്ധ്യാത്മികതയുടെ അടിസ്ഥാനം.

◘ആദ്ധ്യാത്മികതയുടെ അറിവ് നമുക്ക് പകർന്ന് നൽകുന്നത് ഋഷിവര്യന്മാരാണ്.

◘ആദ്ധ്യാത്മികതയാണ് എല്ലാ മതങ്ങളുടെയും അന്തഃസാരം. ആയതിനാൽ, ഇത് സാർവ്വത്രികമാണ്.

◘ഒരു ആത്മീയ വ്യക്തി, ജീവിതത്തോടും ജീവിതസാഹചര്യങ്ങളോടും സദാ സകാരാത്മകമായിട്ടുള്ള മനോഭാവം പുലർത്തുന്നു.

◘ആദ്ധ്യാത്മികമായ ഊർജ്ജങ്ങൾ ഒരു ഗുരുവിൽ നിന്നും ആത്മീയ അന്വേഷകനിലേയ്ക്ക് പകരുന്നതിനെയാണ് ദീക്ഷാപൂർവ്വകപ്രവേശം അഥവാ ദീക്ഷ എന്ന പദം കൊണ്ട് അർത്ഥമാക്കുന്നത്.

◘ദീക്ഷ നൽകുന്ന വേളയിൽ, ആത്മാവിനെ, ദിവ്യപ്രകാശമാകുന്ന അതിന്‍റെ സ്രോതസ്സിലേയ്ക്ക്, നേരിട്ട് പുനഃബന്ധിപ്പിക്കുന്നു.

◘ഗുരുവിന്‍റെ കൃപാകടാക്ഷത്താലാണ് ദീക്ഷ സംഭവ്യമാകുന്നത്.

◘ദീക്ഷ നമ്മുടെ സമ്പൂർണ്ണ ശരീരവ്യവസ്ഥയെ പൂർണ്ണമായി പരിശോധിക്കുകയും, ശുദ്ധീകരിക്കുകയും, പിന്നീട് നമ്മുടെ സാധനയുടെ പ്രക്രിയയിൽ കൂടുതൽ ഊർജ്ജങ്ങളെ ആഗിരണം ചെയ്യുന്നതിനായി സഹായിക്കുകയും ചെയ്യുന്നു.

◘ദീക്ഷ സാധനയുടെ ആരംഭത്തെയും, ഗുരുവിനോടുള്ള സമർപ്പണത്തെയും കുറിക്കുന്നു.

◘ഒരു വ്യക്തി സാധനയിൽ പുരോഗമിക്കുന്നതിനനുസരിച്ച് തുടർന്നും നടക്കുന്ന പ്രക്രിയയാണ് ദീക്ഷ.

◘അനുഷ്ഠാനങ്ങളുടെ ഉയർന്ന തലങ്ങളിലേയ്ക്ക് ദീക്ഷ നല്കുന്നതിലൂടെയാണ് ആദ്ധ്യാത്മിക പുരോഗമനത്തെ അടയാളപ്പെടുത്തുന്നത്. അത്തരത്തിലുള്ള ഓരോ ദീക്ഷയെയും ഒരു നാഴികക്കല്ലായി കണക്കാക്കുന്നു.